இந்தப் பொருட்களை கத்தார் சந்தைகளிலிருந்து நீக்க அதிரடி உத்தரவு!

கத்தார் சந்தைகளில் தற்போது விற்பனையில் உள்ள குழந்தைகளுக்கான போர்வையை (children’s bib du) சந்தையிலிருந்து அகற்றுமாறு கத்தார் வர்த்தக அமைச்சு அதிரடியாக அறிவித்துள்ளது. மேற்படி குழந்தைகளுக்கான போர்வை சரியான முறைமையைப் பேணப்படாமல் உற்பத்தி செய்யப்பட்டுள்ளமையால் குழந்தைகளுக்கு அசௌகரியம் ஏற்படும் என்பது தான் காரணம் என தெரிவிக்கப்பட்டுள்ளது.

ஏற்கனவே இவற்றைக் கொள்வனவு செய்தவர்கள் IKEA (மேற்படி பொருட்கள் IKEA வின் உற்பத்திகளாகும்) விற்கு சென்று மீள ஒப்படைத்து பணங்களைப் பெற்றுக்கொள்ள அல்லது மாற்றீடாக வேறு பொருட்களை பெற்றுக் கொள்ள முடியும் என்பதாக அமைச்சு மேலும் தெளிவு படுத்தியுள்ளது. வாடிக்கையாளர்களின் நலனில் கத்தார் என்றுமே அக்கரை கொண்டுள்ளது. அதனால் தான் அடிக்கடி இது போன்ற பரிசோதனைகள் இடம்பெறுவதாக செய்திகள் தெரிவிக்கின்றன.