கத்தாரிலுள்ள இலங்கை, இந்திய, பங்களாதேஷ் பணியாளர்களுக்கான இலவச மருத்துவ முகாம்!

கத்தாரில் பணிபுரியும் குறைந்த வருமானம் பெறும் ஆசிய நாட்டவர்களுக்கான 17வது மருத்துவ முகாம் எதிர்வரும் 25ம் திகதி கத்தார் அல்துமாமா மருத்துவ நிலையத்தில் காலை 7 மணி முதல் மாலை 3 மணிவரை நடைபெறவுள்ளது. இலங்கை, இந்தியா, பாகிஸ்தான் பங்களாதேஷ் மற்றும் நேபால் போன்ற நாடுகளைப் சேர்ந்த குறைந்த வருமானம் பெறும் பணியாளர்களின் ஆரோக்கியம் கருதியே இந்த மருத்துவ முகாம் நடாத்த ஏற்பாடு செய்யப்பட்டுள்ளதாக அறிவிக்கப்பட்டுள்ளது. 

இந்த மருத்துவ முகாமானது வருடத்துக்கு ஒருமுறை ஹமத் வைத்தியசாலையின் உதவியுடன் கத்தார் சுகாதார அமைச்சினால் நடாத்தப்பட்டு வருகின்றது. மேற்படி மருத்துவ முகாமில் 2500 வரையான ஆசிய நாட்டு பணியாளர்கள் கலந்து பயன் பெறுவார்கள் என்பதாக ஏற்பாட்டுக் குழு சார்பில் நம்பிக்கை வெளியிடப்பட்டுள்ளது.